Fréttir

VILT ÞÚ VINNA HJÁ GM NÆSTA SUMAR

12.03.2016

Golfklúbbur Mosfellsbæjar auglýsir laus til umsóknar fjölbreytt sumarstörf á vallarsvæðum klúbbsins. Þetta eru störf fyrir fólk á öllum aldri og er þekking eða reynsla af golfi ekki skilyrði. Leitað er eftir einstaklingum sem hafa góða þjónustulund og áhuga á að vinna í kraftmiklum félagsskap.

Í boði eru bæði heilsdags og hlutastörf og er unnið ýmist á föstum tímum eða með vaktavinnufyrirkomulagi. Möguleiki er á sveigjanlegum vinnutíma.

Umhirða golfvalla
Fjölbreytt útistarf við umhirðu á vallarsvæðum GM. Vinnutími 7-15 virka daga ásamt vaktavinnu.

Vallareftirlit
Skemmtileg vinna sem felur í sér eftirlit með eignum og vallarsvæðum GM ásamt gestum vallanna. Létt vallarstörf samhliða afgreiðslustörfum. Vaktavinna.

Störf í veitingasölu
Fjölbreytt starf í veitingasölu á vallarsvæðum klúbbsins. Afgreiðsla og framreiðsla veitinga handa gestum. Vaktavinna en einnig möguleiki á föstum vinnutíma.

Afgreiðslustörf
Leitað er að einstaklingi til að starfa við afgreiðslu og rástímaskráningu á vallarsvæðum klúbbsins. Starfið felur í sér að svara fyrirspurnum félagsmanna ásamt því að afgreiða vörur og þjónustu. Vaktavinna en einnig möguleiki á föstum vinnutíma.

Umsóknarfrestur er til 20. mars og við hvetjum ekki síst einstaklinga í leit að hlutastarfi til þess að sækja um. 

Umsókn skal skilað á golfmos@golfmos.is og er æskilegt að hún innihaldi helstu upplýsingar um viðkomandi ásamt starfsreynslu og meðmælanda ef þess er kostur.

 

 

JAÐARSVÖLLUR ER VINAVÖLLUR GM 2016

11.03.2016

Jaðarsvöllur er vinavöllur GM golfsumarið 2016. Jaðarsvöllur er einn af glæsilegustu golfvöllum landsins. Völlurinn er 18 holu keppnisvöllur, par 71. Íslandsmótið í höggleik fer fram að Jaðri sumarið 2016 svo ljóst er að völlurinn verður í sínu allra besta ásigkomulagi. 

Félagsmenn GM geta leikið að Jaðri í sumar með 30% afslætti á vallargjaldi. Við hvetjum alla félagsmenn sem verða á ferð um norðurlandið að skella sér á Jaðarsvöll.

Þessa dagana er verið að leggja lokahönd á vinavallasamninga fyrir árið 2016 og verða fleiri vinavellir kynntir á næstu dögum.

LIÐAPÚTTMÓTARÖÐ GM - STAÐAN

11.03.2016

Þriðja mót Liðapúttmótaraðar GM fór fram í kvöld miðvikudaginn 9. mars. Eitt lið bættist í hópinn en alls eru 15 lið sem keppast um sigurinn. Nýjasta liðið skipað þeim Kristján, Stefáni Hallgríms og Guðjóni Karli áttu bestu umferðina en þeir léku á 108 höggum. 

Staðan í Liðapúttmótaröð GM

Að lokum gilda svo 4 bestu mót hvers liðs af 6. Það liggur því fyrir að staðan getur breyst töluvert þegar liðin fara að henda út verstu hringjunum. Næsta mót fer fram miðvikudaginn 16. mars.

 

VESTMANNAEYJAVÖLLUR ER VINAVÖLLUR GM 2016

10.03.2016

HAGAVÖLLUR ER VINAVÖLLUR GM 2016

09.03.2016

Hagavöllur er vinavöllur GM golfsumarið 2016. Hagavöllur á Seyðisfirði er 9 holu golfvöllur og er hannaður af Hannesi Þorsteinssyni. Hagavöllur liggur undir bröttum hlíðum Bjólfsins í fallegu umhverfi þar sem Fjarðaráin, fjöllinn, fjörðurinn og bærinn blasir við. 

Félagsmenn GM geta leikið á Hagavelli sumarið 2016 með 50% afslætti af vallargjaldi. Við hvetjum alla félagsmenn sem verða á ferð um Austurland að heimsækja Hagavöll á Seyðisfirði.

Þessa dagana er verið að leggja lokahönd á vinavallasamninga fyrir árið 2016 og verða fleiri vinavellir kynntir á næstu dögum.

HÓLMSVÖLLUR Í LEIRU ER VINAVÖLLUR GM 2016

08.03.2016

Hólmsvöllur í Leiru er vinavöllur GM golfsumarið 2016. Hólmsvöllur er skemmtilegur "links" völlur og er oftar en ekki háð bæði barátta bæði við völlinn og vindinn þegar Leiran er leikin. Leiran er almennt í mjög góðu ásigkomulagi og kemur oftast vel undan vetri og því tilvalið að skella sér á Hólmsvöll strax í vor!

Félagsmenn GM geta leikið á Hólmsvelli sumarið 2016 gegn greiðslu vallargjalds, 1.500 kr fyrir 18 holur. Við hvetjum alla félagsmenn til þess að nýta tækifærið og heimsækja Leiruna á komandi golfsumri.

Þessa dagana er verið að leggja lokahönd á vinavallasamninga fyrir árið 2016 og verða fleiri vinavellir kynntir á næstu dögum.

GARÐAVÖLLUR ER VINAVÖLLUR GM 2016

07.03.2016

Garðavöllur á Akranesi er vinavöllur GM golfsumarið 2016. Samstarf hefur ríkt á milli klúbbanna um nokkurra ára skeið og hafa félagsmenn verið duglegir að skella sér á Skagann og leika á Garðavelli. Garðavöllur er glæsilegur 18 holu golfvöllur, par 72. Íslandsmótið í höggleik fór fram á Garðavelli síðastliðið sumar en völlurinn var í afar góðu ástandi. 

Félagsmenn GM geta leikið á Garðavelli sumarið 2016 gegn greiðslu vallargjalds, 2.000 kr fyrir 18 holur. Við hvetjum alla félagsmenn til þess að nýta tækifærið og heimsækja Golfklúbbinn Leyni á komandi golfsumri.

Þessa dagana er verið að leggja lokahönd á vinavallasamninga fyrir árið 2016 og verða fleiri vinavellir kynntir á næstu dögum.

PÚTTMÓT 5. MARS - ÚRSLIT

06.03.2016

Púttmót GM var haldið í vélaskemmunni í gær, laugardaginn 5. mars. 43 kylfingar mættu til leiks og léku 4*9 holur þar sem bestu tveir hringirnir töldu. Langar brautir og aðrar styttri með erfiðum brotum gerðu mörgum kylfingum skráveifu í dag.

Keppnin var hinsvegar hörð og skorið gott.

Karlaflokkur

1. Jónas Heiðar Baldursson - 26 pútt (Eftir bráðabana)
2. Gunnar Árnason - 26 pútt
3. Vilhjálmur Hafsteinsson - 26 pútt
4. Jóhann Edwin - 26 pútt

Kvennaflokkur

1. Anna Björk Hyldal Sveinsdóttir - 28 pútt (Eftir bráðabana)
2. Guðný Helgadóttir - 28 pútt 
3. Laila Ingvarsdóttir 28 pútt

Næsta mót á Vetrarmótaröðinni er áætlað næstkomandi laugardag 12. mars.

HAMARSVÖLLUR ER VINAVÖLLUR GM 2016

06.03.2016

Hamarsvöllur í Borgarnesi er vinavöllur GM sumarið 2016. Hamarsvöllur er fallegur 18 holu golfvöllur í einstöku umhverfi. Það eru fáir íslenskir golfvellir sem eru eins umluknir trjágróðri og Hamarsvöllur og er afar ánægjulegt að leika golf þar á góðum sumardegi. Undanfarin ár hefur Hamarsvöllur verið í góðu ásigkomulagi og afar vel hirtur.

Félagsmenn GM geta leikið á Hamarsvelli sumarið 2016 gegn greiðslu vallargjalds, 2.500 kr fyrir 18 holur. Við hvetjum alla félagsmenn til þess að nýta tækifærið og heimsækja Golfklúbb Borgarness núna í sumar.

Þessa dagana er verið að leggja lokahönd á vinavallasamninga fyrir árið 2016 og verða fleiri vinavellir kynntir á næstu dögum.

STRANDARVÖLLUR NÝR VINAVÖLLUR GM

05.03.2016

Strandarvöllur á Hellu er nýr vinavöllur GM golfsumarið 2016. Strandarvöllur er flestum íslenskum kylfingum vel kunnugur en hann hefur í mörg ár verið einn af betri völlum landsins. Strandarvöllur er 18 holu keppnisvöllur og er reglulega leikið á Strandarvelli á Eimskipsmótaröðinni. 

Félagsmenn GM geta leikið á Strandarvelli sumarið 2016 gegn greiðslu vallargjalds, 2.600 kr fyrir 18 holur. Við hvetjum alla félagsmenn til þess að heimsækja Golfklúbb Hellu í sumar og leika á stórskemmtilegum velli í fallegu umhverfi. Samningurinn er í gildi frá 1. maí fram til 31. september.

Þessa dagana er verið að leggja lokahönd á vinavallasamninga fyrir árið 2016 og verða fleiri nýjir vinavellir kynntir á næstu dögum.