Hjá Golfklúbbi Mosfellsbæjar er rekið afar metnaðarfullt barna- unglinga og afreksstarf. Fyrir börn á aldrinum 6-21 árs eru æfingar í boði rúmlega 10 mánuði ársins. Einnig heldur GM úti starfi fyrir meistaraflokkskylfinga og eldri kylfinga.

Æfingar skiptast í tvö tímabil, sumar og vetraræfingar. Sumaræfingar eru frá skólalokum og fram í október. Vetraræfingar hefjast mánudaginn 15. nóvember og standa yfir þangað til að skólar klárast í júní. Hérna fyrir neðan má sjá gildandi æfingatöflur.

Allir iðkendur þurfa einnig að vera félagsmenn í Golfklúbbi Mosfellsbæjar. Hægt er að ganga frá skráningu í GM með því að smella hérna.

Fylla þarf því út tvö skráningarform, eitt fyrir æfingar og eitt fyrir félagsaðild hjá GM. Ef iðkandi er nú þegar félagsmaður er skráning á æfingar nægjanleg.

Ef það eru einhverjar fyrirspurnir eða spurningar þá svarar Davíð Gunnlaugsson íþróttastjóri GM þeim með glöðu geði í tölvupósti á netfangið david@golfmos.is.

Við hjá GM notum forritið SportAbler í utanumhaldi um æfingar. Hérna eru leiðbeiningar um nýskráningu í SportAbler:

Nýskráning í SportAbler

Æfingatöflur

Vetraræfingatafla er í gildi frá 15. nóvember fram að skólalokum í júní.