Mosfellsbær, Ísland
Í desember 2014 samþykktu félagsfundir Golfklúbbs Bakkakots og Golfklúbbs Kjalar að sameinast undir merkjum Golfklúbbs Mosfellsbæjar. Nýr golfklúbbur hlaut skammstöfunina GM og skartar tveimur vallarsvæðum. Hlíðavöllur er staðsetur í Mosfellsbæ og er glæsilegur 18 holu golfvöllur við ströndina og óviðjafnanlegu útsýni yfir Faxaflóann. Bakkakot í Mosfellsdal er skemmtilegur 9 holu golfvöllur í yndislegri nátturú Mosfellsdals.
Golfklúbbur Mosfellsbæjar leggur metnað sinn í að viðhalda arfleið stofnklúbba sinna og efla allan viðgang golfs í Mosfellsbæ. Ennfremur leggjum við mikið upp úr því að vera golfklúbbur fyrir alla fjölskyldinu. Öflugt barna- og unglingastarf er í gangi allt árið um kring. Félagsstarf eldri kylfinga er virkt í klúbbnum ásamt félagsstarfi fyrir almennan kylfing. Öflugt vetrarstarf fer fram á vegum Golfklúbbs Mosfellsbæjar þar sem félagsmenn leika á vetrarmótum utandyra eða pútta innandyra í æfingaaðstöðu klúbbsins á Blikastaðanesi.
