- Staðarreglur Bakkakotsvallar 2024
-
1.Vallarmörk.
- Völlurinn er afmarkaður með hvítum hælum, girðingastaurum, eða hvítum línum þar sem það er til staðar.
-
2.Vítasvæði
- Öll vítasvæði vallarins eru merkt með rauðu og skulu lausnir frá þeim teknar skv. reglu 17. Mörk vítasvæðis er sláttulína, en þar sem slík sláttulína er ekki fyrir hendi þá eru það rauð strik á jörðinni eða rauðir hælar. Leiki vafi á því hvoru megin sláttulínu bolti leikmanns sé, skal það túlkað leikmanninum í hag.
-
3.Hindranir
- Bönd og staurar/hælar sem notaðir eru á vellinum til að stýra umferð, jarðfastir steinar á almenna svæðinu, þar sem gras er slegið í brautarhæð eða neðar, fjarlægðarmerkingar/-hælar og gervigras á vellinum eru óhreyfanlegar hindranir og skal taka lausn frá þeim skv. reglu 16.1. Rauðir og bláir hælar eru hreyfanlegar hindranir en þá skal setja aftur á sinn stað séu þeir fjarlægðir á meðan högg er leikið.
-
4.Bætt lega
- Þegar bolti leikmanns liggur innan almenna svæðisins og þar sem gras er slegið í brautarhæð eða neðar má leikmaður taka vítalausa lausn einu sinni áður en högg er slegið með því að leggja upphaflega boltann eða annan bolta innan einnar kylfulengdar frá þeim stað sem hann stöðvaðist upphaflega á.
-
5.Fallreitir
- Þrír fallreitir eru á vellinum:
- Stöðvist bolti leikmanns á veginum fyrir ofan 1. flöt má leikmaður leika bolta sínum eins og hann liggur, taka lausn skv. reglu 16 eða sem valkost, láta upphaflega boltann eða annan bolta falla á falleit sem staðsettur er hægra megin við flötina.
- Stöðvist bolti leikmanns innan vítasvæðisins fyrir framan 6. flötina, eða á göngustíg sem liggur meðfram vítasvæðinu má leikmaður leika boltanum eins og hann liggur, taka lausn skv. reglu 16, ef hann stöðvaðist á göngustígnum, en reglu 17. ef hann stöðvast í vítasvæðinu eða sem valkost láta upphaflega boltann eða annan bolta falla á fallreit sem staðsettur er áður en komið er að 6. flöt. Ef boltinn var í vítasvæðinu er þessi lausn gegn einu höggi í víti, en vítalaust ef hann var á göngustígnum.
- Stöðvist bolti leikmanns á 9. braut innan vítasvæðisins sem þar er má leikmaður leika boltanum eins og hann liggur, taka lausn skv. 17. reglu gegn einu höggi í víti eða sem valkost láta upphaflega boltann eða annan bolta falla á fallreit sem staðsettur er rétt áður en komið er að 9. flöt.
- Víti fyrir brot á staðarreglu: Almennt víti.
Víti fyrir brot á staðarreglu er almennt víti: 2 högg í höggleik en holutap í holukeppni.
