Mosfellsbær, Ísland
Mánudagur 0°C - 0 m/s

Innanfélagsmót

Golfklúbbur Mosfellsbæjar stendur fyrir kraftmiklu innanfélagsstarfi fyrir alla félagsmenn, unga sem aldna. Við höldum skemmtileg mót allt sumarið og leggjum mikið upp út fjölbreyttum og góðum innanfélagsmótum.

GM mótaröðin

GM mótaröðin er leikin á báðum vallarsvæðum GM. Alls eru leikin 8 mót og er ætlunin að sameina alla félagsmenn í einni mótaröð. Keppnisfyrirkomulag er punktakeppni með forgjöf og er hæst gefin 36 í forgjöf hjá konum og 32 hjá körlum.


VÍKING deildin

VÍKING deildin er eitt skemmtilegasta mót sem Golfklúbbur Mosfellsbæjar stendur fyrir. Um er að ræða liðakeppni með forgjöf þar sem keppt er með svipuðu fyrirkomulagi og í sveitakeppni GSÍ. Allt að 6 leikmenn skipa hvert lið en 4 leikmenn leika í hverri umferð. Í hverri umferð er leikinn 1 fjórmenningsleikir og 2 tvímenningsleikir.


Titleist holukeppnin

Meistaramót GM í holukeppni, Titleist holukeppnin, hefur farið ört vaxandi á undanförnum árum. Sumarið 2015 var keppt í bæði karla og kvennaflokki og hafa aldrei eins margar konur skráð sig til leiks. Undankeppni Titleist holukeppnarinnar stendur yfir í heila viku í maí á hverju sumri. Í undankeppninni er leikin 18 holu punktakeppni með forgjöf. Að undankeppni lokinni er skorið niður og hefst þá hin eiginlega holukeppni.


Sólstöðumótið

Sólstöðumót GM er haldið á báðum vallarsvæðum GM og er mótið 27 holur. Að þessu sinni verður leikið 24. og 25. júní. Leikið er á Hlíðavelli á föstudegi og í Bakkakoti á laugardegi. Mótið er tveggja daga golfmót og leiknar eru 27 holur í 3 forgjafarflokkum. Keppt verður í 2 flokkum í höggleik með forgjöf og einum í punktakeppni.

Hjóna og parakeppnin

Hjóna og parakeppnin hefur verið eitt vinsælasta innanfélagsmótíð hjá GM undanfarin ár. Leikið er með Texas Scramble fyrirkomulagi þar sem hjón eða pör leika saman í liði. Kvennanefnd GM stendur fyrir mótinu og hefur gert það með miklum sóma undanfarin ár.