Mosfellsbær, Ísland
Þriðjudagur 9°C - 6 m/s

Vallarsvæðin

Golfklúbbur Mosfellsbæjar hefur yfir að ráða tveimur ólíkum en yndislegum vallarsvæðum. Það er ekki ofsögum sagt að okkur þyki vænt um vallarsvæðin okkar. Hvort svæði hefur sína sérstöðu sem skila sér í einstakri upplifun kylfinga sem leika vellina.

Á báðum svæðum er að finna aðstöðu til æfinga. Æfingasvæði og boltavél eru til staðar ásamt púttflöt og svæði til að æfa styttri högg. Veitingasölu og skála er að finna á báðum vallarsvæðum og eru seldar veitingar þar meðan á golfleik stendur.

Það er mikill kostur að vera í golfklúbbi sem býður upp á tvö vallarsvæði, með því er reynt að tryggja að annað vallarsvæðið sé alltaf opið þannig að félagsmenn eigi alltaf kost á því að komast í golf.

Hlíðavöllur

Hlíðavöllur er staðsettur við Leirvog í Mosfellsbæ og er 18 holu keppnisvöllur. Völlurinn liggur við ströndina og er óviðjafnanlegt útsýni bæði til sjávar og fjalla. Hlíðavöllur er 5.412 metrar á gulum teigum og 4.678 metrar á rauðum.

Völlurinn er fjölbreyttur og skemmtilegur með mörgum áskorunum. Eldri hluti Hlíðavallar er tiltölulega stuttur og eru flatir þar oft á tíðum aðeins upphækkaðar . Á nýrri hluta vallarins eru brautirnar talsvert lengri og flatir almennt mjög stórar. Á Hlíðavelli er rástímaskráning og eru rástímar bókaðir á www.golf.is.

Bakkakot

Bakkakot er staðsett í Mosfellsdal og er 9 holu keppnisvöllur. Einkenni Bakkakots má segja að séu stuttar brautir og trjágróður en í gegnum árin hefur mikið verið gróðursett á svæðinu og er sannkölluð sveitasæla stutt frá ys og þys borgarinnar. Bakkakot er 2.051 metrar 9 holur af gulum teigum eða 4.102 metrar á 18 holum.

Það er þó ekki svo að auðvelt sé að skora völlinn vel þó hann sé stuttur. Beita þarf mismunandi höggum og skipta staðsetningar miklu máli til að ná góðu skori. Flatir á vellinum teljast vera í minni kantinum og því þarf nákvæm högg til að koma sér í fuglafæri. Í Bakkakoti er mætt á teig og ræður boltarenna leikröð. Uppýsingar um lokanir eru á www.golf.is.

Æfingaaðstaða

Á báðum vallarsvæðum er að finna æfingarsvæði og eru seldir boltar í gegnum boltavél. Á Hlíðavelli eru pallar sem slegið er af en í Bakkakoti er slegið af grasi. Æfingarsvæðið í Bakkakoti hentar því vel fyrir högg með járnum en brautartré og lengri högg eru bönnuð vegna stærðar svæðisins. Betra er að æfa þau högg á Hlíðavelli en svæðið þar er einnig fremur stutt og verða kylfingar að gæta aðgátar við allar æfingar og högg.

Á Hlíðavelli er að finna á framtíðaræfingarsvæði klúbbsins lítinn par 3 völl sem ekkert kostar að leika. Þar er hægt að koma og æfa stutta spilið og leyfa börnum og unglingum að stíga sín fyrstu skref. Í Bakkakoti er einnig að finna 6 holu par 3 völl sem heitir Steinarsvöllur og þar geta kylfingar stigið sín fyrstu spor áður en haldið er á keppnisvelli klúbbsins.

Á báðum svæðum er að finna prýðisgóðar æfingarflatir til að æfa púttin á. Á Hlíðavelli eru púttflatirnar tvær og því komast fleiri að í einu. Hægt er að æfa högg úr sandglompum á báðum völlum og í Bakkakoti er meira að segja hægt að æfa högg úr brautarglompu.



Veitingasölur og aðstaða

Félagsmenn og gestir geta keypt veitingar og drykki í veitingasölum GM þegar vellirnir eru opnir fyrir leik. Seldar eru flestar hefðbundnar veitingar og er boðið upp á rétti af grilli. Boðið er upp á sérrétti í tengslum við stærri viðburði eins og t.d. Meistaramót eða stærri opin mót. Ennfremur er boðið upp á sérstaka matseðla fyrir hópa.
Hægt er að bóka hópa á báða vellina og í veitingasölu en hópum er bent á að nauðsynlegt er að panta með fyrirvara og ennfremur að hafa þarf samband við veitingasölu vegna veitinga á vallarsvæðum GM.

Golfklúbbur Mosfellsbæjar hefur nú hafið byggingarframkvæmdir við nýja Íþróttamiðstöð sem hýsa alla aðstöðu fyrir GM til framtíðar. Verður veitingasala við Hlíðavöll staðsett í henni frá vori 2017 og mun verða hægt að taka á móti allt að 180 manna hópum í sitjandi borðhald og verður fullbúið eldhús í húsinu.


Æfingaaðstaða inni og Vélageymsla GM

Inniæfingaaðstaða GM er að mestu til húsa í Vélageymslu GM á Blikastaðanesi. Þar er að finna innipúttflöt með 9 holum ásamt aðstöðu til að æfa vipp. Á veturnar eru einnig net til að slá í og geta 4 kylfingar verið samtímis.

Afreksnefnd Golfklúbbs Mosfellsbæjar rekur einnig TrackMan höllina en hún er til húsa í Völuteig 6. Þar er að finna fullkominn TrackMan golfhermi sem félagsmenn og gestir geta leigt á veturnar. Afar skemmtilegt er að leika golf í herminum er vel hefur verið búið um hann og aðstaðan til fyrirmyndar.

Eins og áður sagði er Vélageymsla GM staðsett á Blikastaðanesi en keyrt er að henni úr annarri átt en að Hlíðavelli. Skrifstofur GM eru einnig til húsa þar yfir vetrartímann þangað til ný aðstaða verður komin í gagnið sumarið 2017.

Það er ekki ofsögum sagt að okkur þyki vænt um vallarsvæðin okkar. Hvort vallarsvæði hefur sína sérstöðu og einkenni sem skila sér í upplifun kylfinga sem leika vellina. Við vinnum nú að uppfærslu á efni vefsíðunar og munum uppfæra greinargóða vallarlýsingu innan tíðar en hér má nálgast grunn upplýsingar um vallarsvæðin.

Á báðum svæðum er að finna aðstöðu til æfinga. Æfingarsvæði og boltavél er til staðar ásamt púttflöt og svæði til að æfa styttri högg. Í Bakkakoti er ennfremur að finna 6 holu par 3 völl sem heitir Steinarsvöllur og geta kylfingar þar stigið sín fyrstu spor áður en haldið er á keppnisvelli klúbbsins ásamt því að á æfingasvæðinu er slegið af grasi allt sumarið. Á Hlíðavelli er að finna góðar æfingaflatir til þess að æfa strokuna á ásamt því að góðir pallar eru til að æfa járnahögg og styttri högg með trékylfum.

Veitingasölu og skála er að finna á báðum vallarsvæðum og eru seldar veitingar þar á meðan golfleik stendur. Hægt er að bóka hópa á báða vellina og í veitingasölu en hópum er bent á að nauðsynlegt er að panta með fyrirvara og ennfremur að hafa þarf samband við veitingasölu vegna veitinga á vallarsvæðum GM.


Tvö vallarsvæði sem loka ekki á sama tíma

Klúbburinn skartar tveimur vallarsvæðum. Hlíðavöllur er staðsetur í Mosfellsbæ og er glæsilegur 18 holu golfvöllur við ströndina með óviðjafnanlegu útsýni yfir Faxaflóann. Bakkakot í Mosfellsdal er skemmtilegur 9 holu golfvöllur í yndislegri náttúru Mosfellsdals.

Vallarsvæðin eru vissulega ólík en saman mynda þau skemmtilega heild. Það er reynt að tryggja það að vellirnir loki aldrei á sama tíma vegna mótahalds eða móttökum stærri hópa. Það þýðir að félagsmenn í GM eiga alltaf að eiga kost á að komast í golf þegar þeim hentar.