Golfklúbbur Mosfellsbæjar er eins og nafnið gefur til kynna staðsettur í Mosfellsbæ og skartar klúbburinn tveimur vallarsvæðum. Hlíðavöllur er við ströndina í Mosfellsbæ og Bakkakot í gróðursæld Mosfellsdals. Okkur þykir afar vænt um vellina okkar enda yndislegir þó ólíkir séu.

Félagsstarfið er öflugt og skemmtilegt og má þar nefna glæsilega holukeppni, liðakeppni í golfi, stigalista og sérstaka mótaröð félagsmanna. Meistaramótið er einstakt og verður að teljast sem einn af hápunktum sumarsins. Börn, unglingar og afreksstarf er okkur mjög hugleikin og nú hefur glæsilega íþróttamiðstöðin Klettur verið tekin í notkun sem í framtíðinni mun þjóna kylfingum allt árið í kring.