02.01.2018
Ragnar Már Ríkharðsson lék á unglingamóti í Flórída dagana 28.-30. desember, American Junior, en það er hluti af World Junior Golf Series mótaröðinni.
Ragnar Már lék í flokki 18 ára og yngri, en hann lék hringina á 75, 83 og 75 höggum eða 17 höggum yfir pari, sem skilaði honum 12. sætinu.
Alls voru 34 keppendur í flokki 18 ára og yngri.
Hein Sithu bar sigur úr býtum og lauk leik á pari, en Sigurður Arnar Garðarsson úr GKG og Viktor Ingi Einarsson úr GR voru einnig á meðal keppenda í mótinu.