19.12.2017
Gleðin var ríkjandi í Kletti á sunnudaginn, en þá fór fram jólaball GM. Foreldraráðið stóð fyrir veitingasölu þar sem gestirnir gátu styrkt barna-og unglingastarfið og gætt sér á vöfflum og heitu súkkulaði. Mætingin var frábær, en um 70 manns á öllum aldri mættu og áttu góða stund saman.
Þvörusleikir og Stúfur mættu á svæðið, öllum til mikillar ánægju en þeir bræður tóku dansinn með börnunum í kringum jólatréð.
Loks kvöddu jólasveinarnir og sögðust bíða spenntir eftir jólaballi næsta árs.
GM þakkar fyrir frábæra þáttöku og óskar félagsmönnum gleðilegra jóla.