Mosfellsbær, Ísland
Þriðjudagur 9°C - 6 m/s

Opin mót og hópar

Opin mót

Golfklúbbur Mosfellsbæjar stendur fyrir fjölda glæsilegra opinna móta á hverju sumri. Leikið er með margvíslegu fyrirkomulagi og eru mótin bæði stór og smá. Allar upplýsingar um opin mót má finna á golf.is undir mótaskrá.

Komdu með hópinn þinn í golf hjá GM!

Á góðum sumardegi er frábært að fara með fyrirtækið eða vinahópinn í golf. Golf er frábært hópefli og tökum við hjá GM afar vel á móti hópum. Við höfum að ráða yfir tveimur frábærum vallarsvæðum, Hlíðavelli og Bakkakoti, sem báðir henta vel fyrir hópa af öllum stærðum og gerðum. Hægt er að fá aðstoð og leiðbeiningar við uppsetningu móta hjá starfsmönnum GM.

Við bjóðum upp á ýmsa þjónustu fyrir hópa sem leika hjá okkur. Við getum m.a.:

  • Sett upp mót á golf.is
  • Annast mótsstjórn
  • Útbúið skorkort fyrir alla keppendur
  • Séð um ræsingu
  • Sett upp nándarmælingar
  • Gert upp mót að móti loknu
  • Prentað og tilkynnt úrslit

Golfklúbbur Mosfellsbæjar rekur frábærar veitingasölur á báðum vallarsvæðum en hægt er að fá veitingar bæði fyrir hring, eftir hring og úti á velli á meðan hring stendur. Einnig rekum við sérstakan veitingabíl sem keyrir um vallarsvæðin með veitingar! Það verður því enginn svangur né þyrstur í móti hjá okkur.

Vantar þig hugmyndir fyrir hópinn þinn?

Viltu fjölbreytileika og nýjungar og kannski ekki síst hugmyndir? Léttan par 3 völl fyrir suma keppendur? Afrekskylfing að slá teighögg með gestum? Eitthvað sem enginn hefur gert áður? Miðnæturmót? Við hjá GM erum einmitt full af hugmyndum og áhuga að gera mótið þitt sem allra best!

Nánari upplýsingar á golfmos@golfmos.is. Við hlökkum til að heyra frá ykkur!